KETEKLER
Önümçilik kärhanasy bir sany inkubator ulgamyny, 16 sany tohumçylyk we 4 sany ýetişdirme fermasyny öz içine alýar. Ýetişdirme fermasynda ýetişdirilýän tohumlyk horozlar we towuklardan, takmynan, 24–25 hepdeden soň ýumurtga alynmaga başlanýar.
Ketekleriň içiniň howasy ýörite enjamlar bilen enjamlaşdyrlyp daşky howanyň ýagdaýyna görä ketegiň içiniň howasynyň gyzgynlyk derejesi sazlanylýar. Önümçilikde howanyň gyzgynlygy bilen çyglygy sazlaşmak esasy funksiýalaryň biri bolup durýar. Howanyň gyzgynlyk derejesiniň hem-de çyglylygyň kadaly bolmagy, ýaş jüýjeleriň köpçülikleýin ýitgisiniň öňüni almaga uly ýardam berýär. Şeýle hem ketekler towuklar üçin awtomatiki suw geçirijiler bilen üpjün edilendir.
INKUBATOR
Belgiýanyň meşhur Petersime kompaniýasynyň kämil we döwrebaplaşdyrylan enjamlary oturdylan inkubator ulgamy uly möçberde önümçilik kuwwatyna eýe bolup, ýyllyk 25 million jüýje çykarmaga ukyplydyr.
Ýörite barlaglaryň netijesinde saýlanyp, inkubatora ýerleşdirilen ýumurtgalaryň 90%-den jüýje alynýar. Inkubator ulgamy 42 sany otagçadan ybaratdyr. Gündeki öndürilýän ýumurtgalar bökdençsiz tertipde şol otagçalara ýerleşdirilýär we 21 günden soň sagdyn jüýjeleri alynýar.
IÝM ZAWODY
Kämil we döwrebap enjamlar bilen enjamlaşdyrylan iým zawody ýyllyk 26280 tonna iým öndürmek güýjüne eýe. Onda esasan toplumda saklanýan enelik towuklar üçin granul görnüşinde iým öndürilýär. Mundan başga-da zerur bolan çig mallary ulanmak arkaly öndürilýän broýler jüýjeleri üçin hem ýokary hilli iým öndürmek mümkin.
